Навоий вилоятининг Учқудуқ туманида маҳалла раиси аёлга нисбатан ноўрин хатти-ҳаракат қилгани учун суд қарори билан 3 суткага маъмурий қамоққа олинди. Бу ҳақда Nemolchi.uz хабар берди.
Аёл 18 июнь куни “Аёллар дафтари”га киритиш масаласи бўйича маҳаллага мурожаат қилган, бироқ эртаси куни раисдан тунги вақтда номақбул хабарлар олган.
19 июнь куни маҳалла биносига борганида, у раисни ходим билан спиртли ичимлик истеъмол қилаётган ҳолатда учратиб, дарҳол ҳуқуқни муҳофаза қилувчи органларга мурожаат қилган.
4 сентябрь куни суд раисни айбдор деб топиб, 3 сутка қамоқ жазоси тайинлади. Аммо суд қарорида унинг лавозимидан четлатилиши ҳақида маълумот келтирилмаган.
Жамоатчилик бу каби шахслар раҳбарлик лавозимида қолмаслиги кераклигини таъкидламоқда.
