Ўзбекистон аҳолисининг қанча қисми спорт билан шуғулланиши маълум қилинди. Бу ҳақда Миллий статистика қўмитаси хабар берди.
Билдирилишича, 2025 йилнинг январь—август ойларида жисмоний машғулотлар билан шуғулланувчи шахслар улуши 68,3 фоизни ташкил этган. Бу кўрсаткичлар уй хўжаликларининг танланма кузатувлари асосида шакллантирилган.
Жисмоний машғулотлар билан шуғулланадиган фуқаролар улуши 2021 йилда 60,9 фоиз, 2022 йилда 62,3 фоиз, 2023 йилда 63,7 фоиз, 2024 йилда 67,8 фоиз ва 2025 йилнинг 8 ойи ичида 68,3 фоизни ташкил этган. Аҳолининг ушбу қатлами 5 йилда қарийб 8 фоизга ошган.
Маълумот учун, жорий йилнинг январь—июль ойларида спорт, кўнгилочар ва дам олишни ташкил қилиш соҳасидаги хизматлар ҳажми 2,5 триллион сўмни ташкил этганди.
