Владимир Зеленский маълум қилишича, Россия Х–101 ракеталари ва Shahed/G‘eran дронларида АҚШда ишлаб чиқарилган конверторлар, “Кинзҳал” ракеталарида эса Ғарбда тайёрланган матрицалар ва микроэлектроника ишлатилган.
Ҳар бир Шаҳед дронида Хитой ва Тайванда ишлаб чиқарилган камида 50 дона микродетал борлиги қайд этилди.
Украина Россияга санкцияларни четлаб ўтишда ёрдам бераётган компанияларга қарши чоралар кўришга тайёрланмоқда. Зеленский бу масала бўйича G7 давлатлари санкциялар координатори йиғилишидан натижа кутаётганини билдирди.
Унинг сўзларига кўра, 5 октабрга ўтар кечаси Россия Украинага 500 га яқин дрон ва 50 дан ортиқ ракета, жумладан, “Кинзҳал”ларни учирган. Ҳужум оқибатида камида 5 киши ҳалок бўлган, 10 киши яраланган.
