Эквадорнинг Кануар провинциясида Президент Даниэл Нобоанинг кортежи юзлаб намойишчилар томонидан яна тошбўрон қилинди. Экология вазири Инес Манзанонинг айтишича, давлат раҳбари сув тозалаш иншооти очилиш маросимига кетаётган вақтда тахминан 500 киши кортежни ўраб олиб, ҳужум қилган.
Расмийларга кўра, президент машинасида ўқ излари аниқланган. Ҳолат бўйича камида 5 киши ҳибсга олинган ва уларга “терроризм” ҳамда “қотилликка суиқасд” моддаси бўйича айблов қўйилиши кутилмоқда.
Мамлакатда намойишлар сентябрь ойидан бери давом этмоқда. Улар ҳукуматнинг ёқилғига бериладиган субсидияларни бекор қилгани ортидан бошланган.
