Самарқандда 16 ёшли қиз операция вақтида вафот этди. Ижтимоий тармоқларда марҳуманинг онаси шифокорларни айблаб чиқиш қилган видеомурожаат кенг тарқалди.
“Қизим шифокорларнинг беэътиборлиги оқибатида ҳалок бўлди. Операция вақтида қизимнинг тамоғида “тампон” қолиб кетган ва бу сабабли миясига ҳаво етказилмаган”, — дейди она видеомурожаатида.
Darakchi.uz ҳолат юзасидан Бош прокуратура матбуот котиби Ҳаёт Шамсиддиновга расмий сўров юборилган.
Унинг маълумот беришича, ҳозирда Самарқанд шаҳар прокуратураси томонидан терговга қадар текширув ҳаракатлари олиб борилмоқда.
Марҳуманинг яқинлари ҳолат юзасидан комиссиявий экспертиза ўтказилишини талаб қилган. Қонуний хулоса экспертиза натижаларига асосан чиқарилиши маълум қилинди.
Ҳозирча масала бўйича расмий хулоса эълон қилинмаган.
