Вазирлик маълумотига кўра, олимпиада саволлари Фан олимпиадалари маркази томонидан тузилган бўлиб, уларни ҳудудий бошқармаларда марказлашган тартибда чоп этиш жараёнида айрим ходимларнинг масъулиятсизлиги сабабли материаллар интернетда тарқалган.
Айни пайтда ушбу ҳолат юзасидан ўрганиш ишлари олиб борилмоқда, айбдор шахслар аниқланиб, қонунчиликка мувофиқ жавобгарликка тортилиши айтилди.
Вазирлик 9–11-синфлар учун математика фанидан Асосий олимпиаданинг туман (шаҳар) босқичи қайта ўтказилишини маълум қилди.
Шунингдек, фуқаролардан ноқонуний савдо ёки таниш-билишчилик ҳолатларини Фан олимпиадалари марказига бевосита хабар қилиш сўралган.
