FIFA йилнинг энг яхши футболчисига бериладиган “The Best FIFA 2025” мукофоти учун 11 нафар номзодни маълум қилди. Бу ҳақда ташкилотнинг расмий сайти хабар берди.
Йил футболчиси бўлиш учун курашадиганлар: Усмон Дембеле, Ашраф Ҳакими, Нуну Мендеш ва Витинья (ПСЖ), Педри, Ламин Ямаль ва Рафинья (“Барселона”), Харри Кейн (“Бавария”), Килиан Мбаппе (“Реал Мадрид”), Коул Палмер (“Челси”) ҳамда Муҳаммад Салоҳ (“Ливерпуль”).
Овоз бериш FIFA’нинг махсус иловаси орқали амалга оширилади ва 2025 йил 28 ноябрь куни якунланади. Ғолиб терма жамоалар бош мураббийлари, сардорлари, журналистлар ва мухлислар овозлари асосида аниқланади.
