Давлат хавфсизлик хизмати Қашқадарё вилояти бошқармаси ва вилоят ички ишлар бошқармаси ходимлари Чироқчи туманида ўтказган тезкор тадбир чоғида 1981 йилда туғилган, илгари икки марта судланган шахснинг яшаш хонадони кўздан кечирилди.
Текширув жараёнида уч дона синтетик қопда сақланаётган 20 кг 658 грамм марихуана аниқланиб, далилий ашёлар сифатида расмий тартибда олиб қўйилди.
Аниқланишича, фуқаро гиёҳвандлик воситасини кейинчалик сотиш, “осон пул топиш” мақсадида етиштирган.
Ҳозирда унга нисбатан Жиноят кодексининг 273-моддаси 5-қисми (гиёҳвандлик воситаларини ўтказиш мақсадида сақлаш) бўйича жиноят иши қўзғатилиб, қамоқ эҳтиёт чораси қўлланилган.
Ушбу модда бўйича 10 йилдан 20 йилгача озодликдан маҳрум қилиш жазоси белгиланган.
