Миллий статистика қўмитаси маълумотига кўра, Ўзбекистонда жисмоний шахсларга тегишли 4 млн 725,9 минг дона автомобиль рўйхатда турибди. Бу кўрсаткич ўтган йилнинг шу даврига нисбатан 415 мингдан ортиқ машинага кўпайган.
Транспорт воситаларининг асосий қисмини энгил автомобиллар ташкил этади — уларнинг улуши 92,9 фоизни ёки 4 млн 392,4 минг донани ташкил қилди. Шунингдек:
– юк автомобиллари — 312,7 минг дона; – микроавтобуслар — 7,5 минг дона; – махсус техникалар — 7,3 минг дона; – автобуслар — 6 минг дона.
Мутахассислар фикрича, автомобиллар сонининг бундай суръатларда ортиши инфратузилма ва йўл ҳаракати бошқарувида янги талабларни юзага келтиради.
