Миллий статистика қўмитаси маълумотларига кўра, ҳисобот даврида жами 237,1 минг нафар ўзбекистонлик турист сифатида Саудия Арабистонига борган.
Бу кўрсаткич ўтган йилнинг мос даврига нисбатан 96 минг нафарга ёки 68 фоизга кўп.
Қайд этилишича, 10 ой давомида Саудия Арабистонига борган Ўзбекистон фуқароларининг аксарияти саёҳат мақсадида сафар қилган — 197,9 минг нафар. Шунингдек, 38,2 минг нафар фуқаро қариндошларини йўқлаш учун борган.
Даволаниш мақсадидаги сафарлар сони 924 нафарни, хизмат юзасидан сафарлар 66 нафарни, ўқиш учун борганлар эса 31 нафарни ташкил этган.
