Агентлик маълум қилишича, Наманган вилоятида вояга етмаган болалар иштирокида ноқонуний диний таълим ташкил этилгани ҳақидаги хабарлар бўйича ишчи гуруҳ тузилган ва ҳолат тўлиқ назоратга олинган.
Болаларнинг ҳуқуқ ва қонуний манфаатларини таъминлаш мақсадида Бош прокуратура ҳамда бошқа тегишли идоралар билан ҳамкорликда манзилли чоралар кўрилмоқда.
Ҳозирда болаларни қонуний таълим тизимига қайтариш, уларнинг ижтимоий-психологик ҳолатини баҳолаш, шунингдек, ота-оналар билан профилактик тушунтириш ишларини олиб бориш чоралари амалга оширилмоқда.
