Фарғона вилоят судлари хабарига кўра, Қўқон шаҳар суди 17 декабрь куни халқ табобати билан шуғулланиб келган, 1971 йилда туғилган фуқаро И.С.га нисбатан 10 сутка маъмурий қамоқ жазоси қўллади.
У Ўзбекистон халқ табобати ассоциацияси томонидан берилган гувоҳноманинг амал қилиш муддати тугаганига қарамай фаолият олиб боргани аниқланган.
Cуд И.С.ни Маъмурий жавобгарлик тўғрисидаги кодекснинг 59-5-моддаси 3-қисми — халқ табобати тўғрисидаги қонунчиликни бузишда айбли деб топди.
Қайд этилишича, суд қарори устидан белгиланган тартибда апелляция ёки кассация шикояти бериш мумкин.
