Жиззах шаҳрида иккита юк машина тўқнашди. Бу ҳақда “Kun.uz” нашри ёзмоқда.
Қайд этилишича, Тошкент шаҳрига дори-дармон маҳсулотларини олиб кетаётган Isuzu ҳайдовчи ухлаб қолган, Бунинг оқибатида бир йўналишда ҳаракатланаётган Howo тиркамасига бориб урилган. ЙТҲда оғир тан жароҳати олган Isuzu ҳайдовчиси воқеа жойида вафот этган.
Маълум бўлишича, ЙТҲ 17 декабрь куни соат 3:20 ларда Шароф Рашидов тумани Сайхан маҳалласи ҳудудида, “Тошкент-Термиз” автомобиль йўлида содир бўлган. Самарқанддан Тошкент шаҳрига дори-дармон маҳсулотларини олиб кетаётган Isuzu бир йўналишда ҳаракатланиб бораётган Howo юк машинаси тиркамасига бориб урилган. Бунга Isuzu ҳайдовчиси бошқарув пайтида ухлаб қолгани сабаб бўлган.
ЙТҲ оқибатида Isuzu ҳайдовчиси, 1996 йилда туғилган Ш.М. оғир тан жароҳати олиб, воқеа жойида вафот этган.






