2025 йилда ички ишлар тизимида хизмат вазифасини бажараётган 6 нафар ходим ҳалок бўлган, 131 нафари эса жиддий тан жароҳати олган. Ички ишлар вазири ўринбосари Рамазон Ашроповнинг сўзларига кўра, ўтган йилга нисбатан қотиллик 60 тадан 31 тага камайган, йўл-транспорт ҳодисалари 9365 тадан 8738 тага тушган. Шу билан бирга, номусга тегиш жиноятлари 359 тадан 381 тага кўпайган.
Бундан ташқари, энди ИИБ ходимлари устидан қилинадиган ҳар қандай мурожаат фавқулодда ҳолат сифатида кўрилади ва 102 қисқа рақамига келган мурожаатга туман ёки вилоят раҳбари шахсан жавоб беради.
2025 йилда ИИБ ходимлари томонидан содир этилган 87 жиноятнинг 75 фоизи вазирлик ташаббуси билан аниқланиб, прокуратурага юборилган.
