UFC’нинг енгил вазн тоифасида собиқ чемпиони Ҳабиб Нурмагомедов ўзининг Телеграм-каналида футболчи Златан Ибрагимович билан армрестлинг қилаётган видеосини эълон қилди. Лавҳада Ҳабиб “Милан”, “Барселона”, “Аякс” клублари ҳамда Швеция терма жамоасининг собиқ ҳужумчиси билан куч синашишга уринади.
Видеога изоҳ қолдирган Нурмагомедов Златан ҳақида “Бу йигит ўзгача”, дея ёзган. Қизиқарли баҳсда франциялик футболчи Пол Погба ҳакамлик қилган.
Маълумот учун, Ҳабиб Нурмагомедов сўнгги жангини 2020 йил 24 октябрь куни Абу-Дабидаги UFC 254 турнирида ўтказиб, Жастин Гетжини иккинчи раундда бўғиш усули билан мағлуб этган ва шундан сўнг фаолиятини якунлаган. Златан Ибрагимович эса профессионал футболчилик фаолиятини 2023 йил ёзида расман тугатган.
