29 декабрь куни АҚШ Президенти Дональд Трамп ва Россия Президенти Владимир Путин ўртасида телефон орқали навбатдаги суҳбат бўлиб ўтди. Бу ҳақда Оқ уй матбуот котиби Каролин Левитт маълум қилди.
Унинг сўзларига кўра, Трамп Украина масаласи бўйича Путин билан ижобий руҳдаги мулоқотни якунлаган. Қайд этилишича, мазкур суҳбат 2025 йил бошидан буён икки етакчи ўртасида ўтказилган ўнинчи телефон мулоқоти ҳисобланади.
Маълумот учун, Путин ва Трамп охирги марта бир кун аввал ҳам телефон орқали гаплашган бўлиб, ўшанда Мар-а-Лагода Владимир Зеленский билан ўтказилиши режалаштирилган учрашув якунларидан сўнг яна алоқа қилишга келишиб олган эди.
