АҚШнинг Фавқулодда вазиятлар бўйича федерал агентлиги (FEMA) маълум қилишича, маблағлар чемпионат учрашувлари ўтказиладиган 11 штат ҳамда пойтахт минтақасига грантлар кўринишида тақдим этилган. Ушбу маблағлар дронларни аниқлаш, идентификация қилиш, кузатиш ва уларга қарши чоралар кўриш имкониятларини ривожлантиришга йўналтирилади.
Агентлик вакили сўзларига кўра, сўнгги йилларда жиноий гуруҳлар, террорчилар ва душманона кайфиятдаги хорижий субъектлар учувчисиз учиш аппаратларидан тобора кўпроқ фойдаланмоқда. Шу боис Жаҳон чемпионати пайтида хавфсизликни таъминлаш учун тезкор қарорлар қабул қилинган.
Маълумот учун, 2026 йилги футбол бўйича Жаҳон чемпионати 11 июндан 19 июлгача АҚШ, Канада ва Мексикада бўлиб ўтади. Турнир тарихида илк бор унда 48 та терма жамоа иштирок этади.
