Соғлиқни сақлаш вазирлиги Матбуот хизмати маълум қилишича, 2026 йил 1 январь соат 17:00 ҳолатига кўра, мамлакат бўйлаб жами 1094 нафар чақалоқ туғилган. Уларнинг 539 нафари ўғил, 555 нафари қиз болалардир.
Энг кўп туғилиш Фарғона вилоятида — 138 нафарни ташкил этган. Кейинги ўринларда Сурхондарё вилояти (135 нафар), Самарқанд вилояти (125 нафар), Қашқадарё вилояти (121 нафар) ва Наманган вилояти (110 нафар) қайд этилди. Энг кам туғилиш эса Сирдарё вилояти ҳиссасига тўғри келиб, у ерда 19 нафар чақалоқ дунёга келган.
Қайд этилишича, туғилганлар орасида 17 та эгизак ҳолати мавжуд бўлиб, жами 37 нафар бола эгизак сифатида туғилган. Улардан 30 нафари икки ҳомилалик, 3 нафари уч ҳомилалик, 4 нафари эса тўрт ҳомилалик эгизаклардир.
