Манбага кўра, 6 февраль куни Сабуров Внуково аэропортига келганидан сўнг унга Россияга кириш тақиқлангани ҳақида расмий ҳужжат топширилган. Ҳуқуқ-тартибот идоралари вакиллари қизиқанинг миграция ва солиқ қоидаларини бузганини маълум қилган.
Маълум бўлишича, Сабуров 2025 йил май ойида ҳам худди шу айбловлар билан Шереметьево аэропортида ушланган. Ўшанда унга 5 минг рубль жарима солиниб, мамлакатни ихтиёрий тарк этиш учун икки ҳафта муддат берилган.
Нурлан Сабуров Россиядаги энг машҳур стендап-комиклардан бири ҳисобланади. 2022 йил баҳорида Россиянинг Украинага босқинини қораламагани сабаб АҚШ ва Исроилда унинг концертлари бекор қилинган, 2025 йил охирига келиб эса Россияда ҳам чиқишлари тақиқланган.
Хабарларга кўра, қизиқан Россияда умумий қиймати 160 миллион рублдан ортиқ кўчмас мулкка эгалик қилади. Шунингдек, у даромадларини воситачилар орқали яширишга урингани, санкциялардан чўчиб эса Россия фуқаролигини олишдан бош тортгани айтилмоқда.
