Мюнхен хавфсизлик конференциясида журналистлар Илҳом Алиевдан Владимир Путин билан Россиянинг Украинага ҳужумдари, жумладан, Озарбайжон компанияларига тегишли энергетика объектларига зарба берилгани масаласини кўтаргани ёки йўқлигини сўради, аммо президент бунга аниқ жавоб бермади.
Бундан ташқари, Илҳом Алиев Киевдаги Озарбайжон элчихонасига учта ҳужум бўлганини таъкидлади.
"Биринчи ҳужумдан сўнг биз буни тасодиф деб тахмин қилишимиз мумкин эди. Биз Россияга Озарбайжоннинг Украинадаги барча дипломатик ваколатхоналари, жумладан консуллик бўлими, маданият марказлари ва элчихонанинг аниқ координаталарини тақдим этдик. Шунга қарамай, яна икки ҳужум содир бўлди. Демак, бу Озарбойжоннинг дипломатик ваколатхонасига қасддан қилинган ҳужум эди", — деди Озарбойжон етакчиси.
