Ўзбекистонда Қурбон ҳайити намози ўқилиш вақтлари эълон қилинди. Мамлакатдаги жоме масжидларда Қурбон ҳайити намози 2026 йил 27 май, чоршанба куни адо этилади. Бу ҳақда Ўзбекистон мусулмонлари идораси матбуот хизмати маълум қилди.
Маълум қилинишича, Тошкент шаҳридаги жоме масжидларда ҳайит намози эрталаб соат 05:10 да бошланади. Тошкент вилоятида ҳам намоз шу вақтда ўқилади.
Ҳудудлар кесимида ҳайит намози вақтлари қуйидагича белгиланган:
– Андижон, Наманган ва Фарғона вилояти — 05:05;
– Сирдарё ва Жиззах — 05:20;
– Самарқанд ва Сурхондарё — 05:30;
– Қашқадарё, Навоий ва Бухоро — 05:35;
– Хоразм — 05:50;
– Қорақалпоғистон Республикаси — 05:55.
Мусулмонлар идораси таъкидлашича, намоз вақтлари қуёш чиққандан кейинги 15–20 дақиқалик фарқ инобатга олинган ҳолда белгилаб берилган.
