Исроил Бош вазири Биньямин Нетаньяху стоматологик муолажа учун тиббиёт марказига ётқизилди. Бу ҳақда “The Times of Israel” хабар берди.
Нашр маълумотларига кўра, Нетаньяху Қуддусдаги шифохоналардан бирига жойлаштирилган, бироқ унинг офиси бу “тишларни даволаш учун” эканлигини билдирган.
“76 ёшли Бош вазирнинг соғлиғи бир нечта ҳодисалардан сўнг жамоатчиликнинг диққат марказига тушди, бу эса уни тиббий маълумотларни халқдан яширганликда айблаб, танқидлар остида қолдирди. Бу вазият Исроилда Бош вазирнинг умумий соғлиғи ҳолати бўйича кўплаб баҳс ва тахминларга сабаб бўлди.
Яқинда у простата безидаги хавфли ўсимта туфайли нур терапияси курсини муваффақиятли ўтади, бироқ яқинда бўлиб ўтган уруш айни авжига чиққан пайтда Эрон бу маълумотдан Исроилга қарши тарғибот тарқатишда фойдаланишини даъво қилиб, жамоатчиликни хабардор қилишдан тийилди”, деб ёзади нашр.
Шунингдек, ОАВ вакиллари 2023 йилнинг июль ойида Нетаньяхуга кардиостимулятор имплантация қилинганини, 2024 йилнинг март ойида чурра туфайли операция қилинганини ва 2024 йилнинг декабрида простата безини олиб ташлаш бўйича жарроҳлик амалиётини ўтказганини эслатиб ўтган.
