Маълум қилинишича, Қорақалпоғистон Республикаси ва Хоразм вилоятида ҳаво ўзгарувчан бўлади, ёғингарчилик кутилмайди. Шамол тезлиги айрим жойларда кучайиб, чанг-тўзонлар кузатилиши мумкин. Ҳарорат кундузи 30-35 даража, 30 май куни эса 38 даражагача кўтарилади.
Бухоро ва Навоий вилоятларида ҳам ёғингарчилик кутилмаяпти. 30-31 май кунлари шамол тезлиги кучайиши, айрим ҳудудларда чанг-тўзонлар юзага келиши мумкин. Ҳаво ҳарорати айрим кунлари 38 даражагача исийди.
Тошкент, Самарқанд, Жиззах ва Сирдарё вилоятларида асосан қуруқ об-ҳаво сақланади. Фақат 28 май куни Тошкент вилоятида ва 1 июнь куни айрим жойларда қисқа муддатли ёмғир ёғиши, момақалдироқ бўлиши мумкин. Кундузи ҳарорат 37 даражагача етади.
Қашқадарё ва Сурхондарё вилоятларида ҳафтанинг асосий қисмида ёғингарчилик кутилмайди. 3 июнь куни айрим ҳудудларда қисқа муддатли ёмғир ва момақалдироқ бўлиши мумкин. Ҳарорат 30-31 май кунлари 40 даражагача кўтарилиши прогноз қилинган.
Андижон, Наманган ва Фарғона вилоятларида 28 май ҳамда 1-3 июнь кунлари баъзи жойларда қисқа муддатли ёмғир ва момақалдироқ кузатилиши мумкин. Қолган кунлари ҳаво асосан қуруқ бўлади. Ҳарорат кундузи 37 даражагача исийди.
Республиканинг тоғ олди ва тоғли ҳудудларида 28 май ҳамда 1-4 июнь кунлари қисқа муддатли ёмғир ёғиши, момақалдироқ бўлиши мумкин. Айрим жойларда шамол тезлиги кучайиши эҳтимоли бор. Ҳарорат кундузи 15-30 даража оралиғида бўлади.
