Президент қарори асосида Қурбон ҳайити муносабати билан аҳолини қўллаб-қувватлаш ва меҳр-саховат тадбирлари доирасида юзлаб беморлар даволанишга жалб қилинди. Бу ҳақда Соғлиқни сақлаш вазирлиги Матбуот хизмати хабар берди.
2026 йил 27 май соат 09:00 ҳолатига кўра, 194 нафар бемор бола тиббиёт муассасаларига ётқизилган бўлиб, уларнинг 40 нафарида юқори технологик жарроҳлик амалиёти ўтказилган.
Шунингдек, онкологик, гематологик ва онкогематологик ташхис қўйилган 112 нафар бемор шифохоналарга жойлаштирилиб, уларнинг 5 нафарида мураккаб жарроҳлик операцияси бажарилган.
Бундан ташқари, 14 нафар фуқаро тиббиёт муассасаларига ётқизилиб, уларнинг икки нафарида жигар ва буйрак трансплантацияси амалга оширилган.
