Пенсия учун қўшимча маблағ ажратилаётгани ҳақидаги хабарлар ёлғон экани айтилди

Огоҳлантирилишича, бундай хабарлар орқали фуқароларнинг шахсий маълумотлари, банк карта маълумотлари ва аккаунтларига кириш ҳуқуқи ўғирланиши мумкин.

Мутахассислар фуқароларни фақат расмий манбаларга ишонишга чақирмоқда. Шунингдек, шубҳали ҳаволаларга ўтмаслик, номаълум сайтларга шахсий ёки банк маълумотларини киритмаслик тавсия этилган.

Бундан ташқари, “шошилинч тўлов”, “вақт чеклови” каби ҳиссий босим орқали ишонтиришга қаратилган хабарларга алданмаслик сўралган.