3 июнь куни Ўзбекистон Президенти Администрацияси раҳбари Саида Мирзиёева Австрия Федерал канцлери Кристиан Штокер билан учрашув ўтказди. Бу ҳақда Мирзиёева ўзининг Telegram-саҳифасида маълум қилди.
Қайд этилишича, учрашув давомида Ўзбекистон ва Австрия ўртасидаги муносабатларни янада ривожлантириш масалалари муҳокама қилинган. Томонлар сиёсий мулоқотни мустаҳкамлаш, савдо-иқтисодий ҳамкорликни кенгайтириш ҳамда маданий алоқаларни фаоллаштириш юзасидан фикр алмашган.
Шунингдек, мулоқот чоғида Ўзбекистоннинг Европа Иттифоқи билан ҳамкорлиги ва қўшма лойиҳаларни амалга ошириш бўйича янги имкониятлар ҳам муҳокама қилинган.
“Ўзаро ишонч ва ҳурмат руҳидаги шерикликни янада кенгайтиришдан ҳар икки томон ҳам манфаатдор экани таъкидланди”, деб ёзди Саида Мирзиёева.
