Бугун, 14 июнь куни Канаданинг Ванкувер шаҳридаги “Би-Си Плейс” стадионида футбол бўйича Жаҳон чемпионатининг “D” гуруҳи 1-туридан ўрин олган Австралия ва Туркия терма жамоалари ўртасидаги учрашув бўлиб ўтди. Унда австралияликлар 2:0 ҳисобида ғалаба қозонди.
Биринчидан, 27-дақиқада Ирaнкунда қарши ҳужумдан самарали фойдаланиб, ҳисобни очди ва Австралияни олдинга олиб чиқди. Иккинчи бўлимда эса 75-дақиқада Коннор Меткалф жарима майдони ташқарисидан йўллаган аниқ зарбаси билан ҳисобни 2:0 кўринишига келтирди.
Шундан сўнг туркияликлар тўлиқ ташаббусни қўлга олди, рақиб дарвозаси томон кўплаб ҳужумлар уюштирди, бироқ гол уришга муваффақ бўлмади.
“D” гуруҳининг қолган икки жамоаси Парагвай ва турнир мезбонларидан бири — АҚШ терма жамоалари ҳисобланади. Аввалроқ АҚШ Парагвайни 4:1 ҳисобида мағлуб этган эди.
Кейинги турда Австралия 19 июнь куни АҚШ билан, 26 июнь куни эса Парагвай билан ўйнайди. Туркия эса 20 июнь куни Парагвайга қарши, 26 июнь куни АҚШ билан майдонга тушади.
