Самарқанд вилоятининг Ургут туманида 2 килограммдан ортиқ гашиш моддасини сотишга уринган уч нафар шахс қўлга олинди. Бу ҳақда Давлат хавфсизлик хизмати хабар қилди.
Қайд этилишича, Давлат хавфсизлик хизмати ҳамда Ички ишлар органлари ходимлари ҳамкорлигида ўтказилган тезкор тадбир давомида 1990, 1998 ва 2008 йилларда туғилган маҳаллий фуқаролар шартли харидорга 2 килограмм 80 грамм гашиш моддасини 27,4 минг АҚШ долларига сотган вақтда ашёвий далиллар билан ушланган.
Маълум бўлишича, қўлга олинган шахслардан бири муқаддам ҳам гиёҳвандлик воситалари савдоси билан боғлиқ жиноят содир этгани учун судланган.
Ҳозирда мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.
Амалдаги қонунчиликка кўра, ушбу турдаги жиноятни содир этган шахслар 20 йилгача озодликдан маҳрум қилиниши мумкин.
