Аргентина терма жамоаси Австрияни 2:0 ҳисобида мағлуб этиб, гуруҳ босқичидаги иккинчи ғалабасини қўлга киритди. Шу тариқа жанубий америкаликлар плей-офф йўлланмасини расман таъминлади.
Франция терма жамоаси эса Ироқ устидан 3:0 ҳисобида ишончли ғалабага эришди. Икки турда олти очко тўплаган французлар ҳам муддатидан аввал кейинги босқич масаласини ҳал қилди.
Куннинг энг драматик баҳси Норвегия ва Сенегал ўртасида кечди. Голларга бой ўйинда норвеглар 3:2 ҳисобида зафар қучиб, муҳим уч очкони қўлга киритди.
Жазоир терма жамоаси ҳам Иорданияга қарши кечган мураккаб баҳсда 2:1 ҳисобида ғалаба қозониб, кейинги босқич учун имкониятларини сақлаб қолди.
Шу тариқа кеча бўлиб ўтган тўртта учрашувда жами 10 та гол урилди. Аргентина ва Франция эса плей-офф босқичига чиққан дастлабки жамоалар қаторидан жой олди.
Бугун эса мухлислар интиқлик билан кутаётган Ўзбекистон — Португалия учрашуви бўлиб ўтади.
