Маълум қилинишича, вазир ўринбосари лавозимида ишлаган Бекмурод Абдуллаев ҳамда Жазони ижро этиш департаменти собиқ раҳбари Рустам Турсуновга нисбатан давлат харидларида 186 миллиард сўм бюджет маблағини ўзлаштириш ҳолати бўйича жиноят иши қўзғатилган эди.
“Эзгулик” жамияти раҳбари Абдураҳмон Ташановнинг билдиришича, мазкур иш доирасида жами 7 нафар мулозим 15 апрель куни кечқурун озодликка чиқарилган. Улар етказилган зарарни қоплагани сабабли қўлланган эҳтиёт чораси бекор қилинган.
Ташановга кўра, бу қарор иш доирасидаги 60 дан ортиқ бошқа айбланувчилар ўртасида норозиликка сабаб бўлган. У расмийлардан ушбу ҳолат юзасидан изоҳ кутилayotganини ҳам таъкидлади.
Эслатиб ўтамиз, мазкур ҳолат жорий йил 27 январь куни Президент раислигида ўтган видеоселектор йиғилишида очиқланган эди.
