Бугун, 24 июнь куни соат 21:07 да Ўзбекистон ҳудудида зилзила қайд этилди. Бу ҳақда Республика Сейсмопрогностик мониторинг маркази хабар берди.
Маълум қилинишича, ер силкинишининг магнитудаси 4 ни ташкил этган. Зилзила ўчоғи 13 километр чуқурликда жойлашган.
Зилзиланинг эпицентри Фарғона вилоятининг Қувасой шаҳри ҳудудида бўлиб, Тошкент шаҳридан 251 километр жануби-шарқда қайд этилган.
Маълумотларга кўра, ер силкиниши Фарғона вилояти ҳудудида 3–4 балл, Андижон вилоятида эса 2 балл куч билан сезилган.
Қайд этилишича, зилзила манбаи Фарғона вилоятидан 14 километр, Андижон вилоятидан эса 63 километр узоқликда жойлашган.
Ҳозирча зилзила оқибатида жабрланганлар ёки вайронгарчиликлар ҳақида расмий маълумот берилмаган.
