Аргентина миллий терма жамоаси 2026 йилги Жаҳон чемпионати гуруҳ босқичининг сўнгги турида Иорданияни 3:1 ҳисобида мағлуб этиб, плей-офф босқичига йўл олди.
АҚШнинг Техас штати Арлингтон шаҳрида бўлиб ўтган учрашувда амалдаги жаҳон чемпионлари сафида голларга Жовани Ло Челсо (19-дақиқа), Лаутаро Мартинес (31-дақиқа, пеналти) ва Лионель Месси (80-дақиқа) муаллифлик қилди. Иорданиянинг ягона голини эса Мусо Ал-Тамари 55-дақиқада киритди.
"J" гуруҳнинг бошқа учрашувида Австрия ва Жазоир 3:3 ҳисобида дуранг ўйнади.
Шу тариқа, Аргентина учта ўйинда ҳам ғалаба қозониб, 9 очко билан “J” гуруҳида биринчи ўринни эгаллади ва плей-офф босқичига йўл олди.
Қолган гурухлар, Австрия ва Жазоир 4 очкодан тўплаб, қўшимча кўрсаткичлар бўйича мос равишда иккинчи ва энг яхши учинчи ўринлар орқали кейинги босқичга чиқди.
Иордания эса учала учрашувда ҳам мағлуб бўлиб, гуруҳ босқичини сўнгги ўринда якунлаб расман мундиални тарк этди.
