Бугун, 14 июль куни Ўзбекистоннинг етти ҳудудида кучли шамол ва чанг-тўзон кузатилиши мумкин.
Маълум қилинишича, кундузи Қорақалпоғистон Республикаси, Хоразм, Бухоро, Навоий, Қашқадарё, Самарқанд ва Жиззах вилоятларининг айрим ҳудудларида шамол тезлиги секундига 13–18 метргача кучаяди. Айрим жойларда эса чанг-тўзонлар кузатилиши эҳтимоли бор.
Эслатиб ўтамиз, Ўзгидромет аввалроқ 13–17 июль кунлари Ўзбекистон ҳудудига жанубдан жуда иссиқ ҳаво оқимлари кириб келиши муносабати билан огоҳлантириш эълон қилган эди.
