FIFA техник қўмитаси Жаҳон чемпионати финалидан сўнг топшириладиган индивидуал мукофотлар бўйича қарор қабул қилди. The Touchline нашрининг хабар беришича, Аргентина терма жамоаси сардори Лионель Месси мусобақанинг энг яхши футболчисига бериладиган "Олтин тўп" совринига лойиқ деб топилган.
Манбага кўра, мазкур қарор финал учрашуви натижасидан қатъи назар қабул қилинган. Месси жорий мундиалда 8 та гол ва 4 та голли узатма амалга ошириб, турнирнинг энг сермаҳсул футболчиларидан бири бўлиб турибди.
Бу борада етакчилик Франция терма жамоаси ҳужумчиси Килиан Мбаппега тегишли. Унинг ҳисобида 10 та гол ва 4 та ассист мавжуд.
Эслатиб ўтамиз, Жаҳон чемпионати финали 19 июль куни Тошкент вақти билан соат 23:55 да бўлиб ўтади. Унда Аргентина ва Испания терма жамоалари чемпионлик учун баҳс олиб боради.
