Фарғона шаҳрида фуқаронинг шахсий маълумотларини ошкор қилиш билан таҳдид қилиб, ундан пул талаб қилган аёл қўлга олинди. Бу ҳақда Фарғона вилояти Ички ишлар бошқармаси хабар берди.
Маълум қилинишича, 1988 йилда туғилган, Фарғона шаҳрида яшовчи аёл танишининг ошкор этилиши мумкин бўлмаган шахсий маълумотларини тарқатиш билан қўрқитган. Эвазига ушбу маълумотларни ошкор қилмаслик учун ундан 3 миллион сўм талаб қилган.
Тезкор тадбир давомида аёл келишилган пулни олаётган вақтда ашёвий далиллар билан ушланган.
Айни пайтда ҳолат юзасидан терговга қадар текширув ҳаракатлари олиб борилмоқда.
Эслатиб ўтамиз, аввалроқ Фарғона вилоятида фуқарони калтаклаб, унинг шахсий ҳаётига оид тасвирларни тарқатиш билан қўрқитиб, 8 миллион сўм талаб қилган беш нафар йигит қўлга олинган эди.
