Андижон вилоятининг Пахтаобод туманида яшаш хонадонида ноқонуний қимор ўйинларини ташкил этиб келган эркак қўлга олинди. Бу ҳақда вилоят Ички ишлар бошқармаси хабар берди.
Маълум қилинишича, тезкор тадбир давомида хонадонидан бирида қимор ўйинлари мунтазам равишда ташкил этиб келингани аниқланган.
Тадбир чоғида қимор ўйинлари ўтказилган жойдан 3 миллион 297 минг сўм нақд пул ҳамда ўйин карталари ашёвий далил сифатида олинган.
Ҳолат юзасидан гумонланувчига нисбатан Жиноят кодексининг 278-моддаси (қимор ва таваккалчиликка асосланган бошқа ўйинларни қонунга хилоф равишда ташкил этиш ёки ўтказиш) билан жиноят иши қўзғатилган. Айни пайтда тергов ҳаракатлари олиб борилмоқда.
