Жиззахнинг Шароф Рашидов тумани ва Тошкент вилоятининг Паркент туманида ободонлаштириш идоралари масъуллари асфальтлаш учун ажратилган бюджет маблағларини талон-торож қилганликда гумонланмоқда. Бу ҳақда Бош прокуратура ҳузуридаги Департамент маълум қилди.
Текширувларда Шароф Рашидов туманида 6 та ички йўлда асфальтлаш ишлари бажарилмагани, 348,7 миллион сўмлик 634 тонна асфальт сотиб юборилгани аниқланган.
Паркент туманида эса 540 тонна асфальт етказиб берилмаган бўлса-да, сохта ҳужжатлар расмийлаштирилиб, 324 миллион сўм бюджет маблағи ўзлаштирилгани айтилмоқда.
Ҳолатлар юзасидан Жиноят кодексининг 167-моддаси билан жиноят ишлари қўзғатилиб, тергов ҳаракатлари олиб борилмоқда.
