Туркия ҳукумати Қора денгиздаги кескинлик кучайиши ортидан тижорий кемалар ҳаракатига чекловлар жорий қилди. Бу ҳақда Bloomberg манбаларга таяниб хабар берди.
Маълум қилинишича, Новороссийск томон йўл олган айрим кемаларга транзит рухсатномалари ҳозирча берилмаяпти. Шунингдек, Дарданел бўғози орқали ўтиш учун аризаларни кўриб чиқиш муддати ҳам узайтирилган.
Қора денгизда ҳарбий хавф ошиши ортидан камида тўртта юк ташиш компанияси қўшимча хавф тўловини жорий қилган.
Бозор иштирокчилари юкларнинг бир қисми Грузия, Озарбайжон ва Эрон орқали қуруқлик йўналишларига бурилиши мумкинлигини билдирмоқда. Бироқ Новороссийск асосан Қора ва Ўрта ер денгизидаги маҳаллий бозорларга хизмат кўрсатгани сабабли юкларнинг катта қисми бошқа йўналишларга кўчирилиши кутилмаяпти.
