Россия қўшинлари 9 август куни эрталаб Украина ҳудудига, жумладан, Харков ва Одесса вилоятларига ракета ҳамда дронлар орқали зарба берди. Ҳужумлар оқибатида икки киши ҳалок бўлиб, 29 киши жароҳатланган. Бу ҳақда Медуза хабар берди.
Харковнинг Салтовский туманига берилган ракета зарбаси оқибатида кўп қаватли уй зарарланган. 50 ва 66 ёшли икки эркак ҳалок бўлган, камида 21 киши жароҳатланган.
Одесса вилоятига эса ўнлаб ракета ва дронлар билан ҳужум қилинган. Натижада инфратузилма объектлари ва турар жойлар зарарланган. Одессада саккиз киши жароҳатланган, улардан етти нафари ўртача оғир аҳволда.
Жабрланганларнинг аксарияти портлаш оқибатида сочилган металл парчаларидан жароҳат олган.
