Бугун, 21 август куни Ўзбекистоннинг айрим ҳудудларида, жумладан Тошкент шаҳрида кучли шамол ва чанг-тўзон кузатилиши мумкин.
Маълум қилинишича, кундузи Қорақалпоғистон Республикаси, Бухоро, Навоий, Қашқадарё, Сурхондарё ва Фарғона вилоятларининг айрим ҳудудларида, шунингдек, тоғли ҳудудларда шамол тезлиги 15–20 м/с гача кучайиши мумкин. Айрим жойларда кучли шамол чанг-тўзон билан кузатилади.
Тошкент шаҳрида ҳам шамол тезлиги 10–12 м/с гача кучайиши ва айрим жойларда чанг-тўзон кўтарилиши эҳтимоли бор.
Фуқаролардан кучли шамол ва чанг-тўзон вақтида эҳтиёткорлик чораларига риоя қилиш сўралди.
