АҚШ президенти Дональд Трамп Вашингтонда ўзига қарши ўтказилган аёллар намойишида хонанда Мадоннанинг иштирокини танқид қилди, деб хабар берди “Lenta.ru” нашри.
Трампнинг сўзларига қараганда, Мадоннанинг унга нисбатан беадаблик билан, қўпол сўзларни ишлатгани норозилик намойишининг обрўсига путур етказган. У Мадоннанинг бу ҳаракатини АҚШ учун шармандалик, ўзини эса жирканч аёл, деб таърифлади.
Мадонна 21 январь куни Трампга қарши аёллар томонидан ўтказилган норозилик намойишида иштирок этганда, турли бўлмағур ҳақорат сўзларни ишлатиб, “Оқ уйни портлатиб юборишни” ўйлаётганини маълум қилган.
Мадонна кейинчалик тақдир ҳукмига ташлаб қўйилган аёлларни қўллаб-қувватлаш мақсадида ўзини шундай тутганлигига изоҳ берди.
20 январь куни АҚШ президенти лавозимида иш бошлаган Дональд Трампга қарши норозилик намойишлари АҚШ, Канада, Буюк Британия ва бошқа мамлакатларда ҳам ўтказилди.
