Бугун, 22 май куни Бухоро ҳудудида 4 магнитудали зилзила содир бўлди. Бу ҳақда Республика Сейсмопрогностик мониторинг маркази хабар қилди.
Маълум қилинишича, ер қимирлаши соат 10:44 да қайд этилган. Зилзиланинг магнитудаси 4, чуқурлиги эса 10 километрни ташкил этган. Эпицентр Тошкентдан 526 км жанубий-ғарбийда, Бухоро вилоятининг Жондор тумани ҳудудида жойлашган.
Зилзила кучи қуйидаги ҳудудларда сезилган:
— Газли шаҳрида 2-3 балл;
— Пешкў туманида 2 балл;
— Қоракўл туманида 2 балл;
— Жондор туманида 2 балл.
Эслатиб ўтамиз, кеча — 21 май куни ҳам Бухоро вилоятида 3,8 ва 3,4 магнитудали зилзилалар кузатилган эди.
Шунингдек, бугуннинг ўзида вилоятда яна 4 ва 3,8 магнитудали ер қимирлашлари қайд этилди.
