Нью-Йоркнинг амалдаги мэри, демократ-социалист Зохран Мамдани 1964 йилдан бери ўтказиб келинаётган Исроил куни парадида иштирок этмаслигини маълум қилди. Бу ҳақда Fox News хабар берди.
Маълум қилинишича, Мамдани ушбу тадбирда қатнашишдан ихтиёрий равишда воз кечган биринчи амалдаги шаҳар раҳбарига айланган.
Қарор шаҳардаги йирик яҳудий ташкилотлари, жумладан "UJA-Federation" томонидан норозилик билан қабул қилинган. Улар мэр қароргоҳида ўтказилиши режалаштирилган расмий қабулда қатнашмасликларини билдирган.
Мамдани ўз қарорини "сиёсий тамойиллар" ва "барча инсонлар учун тенг ҳуқуқлар"ни қўллаб-қувватлаши билан изоҳлаган.
Шу билан бирга, шаҳар раҳбарининг парадда қатнашмаслиги тадбирда хавфсизликни таъминлашдан воз кечишни англатмаслиги таъкидланган.
Маълумот учун, Исроилдан ташқаридаги энг йирик яҳудийлар жамоаси яшайдиган Нью-Йоркда, Бешинчи авеню бўйлаб ўтказиладиган мазкур марш анъанавий равишда икки партия ўртасидаги ҳамжиҳатлик ва мегаполис бирдамлигининг рамзи сифатида қаралиб келган.
