Наманган вилояти Уйчи туманида 1 ёшли бола ҳожатхонага тушиб кетди. Бу ҳақда ФВВ хабар қилди.
Қайд этилишича, ҳодиса 22 май куни содир бўлган. 2025 йилда туғилган бола ҳожатхона чуқурига тушиб кетгани ҳақида қутқарувчиларга хабар берилган.
Воқеа жойига етиб келган ФВВ ходимларидан бири махсус ҳимоя воситалари ёрдамида чуқурга тушиб, болани олиб чиққан.
Шундан сўнг чақалоқ шифокорлар кўригидан ўтказилиб, унга зарур тиббий ёрдам кўрсатилган. Ҳозирда унинг аҳволи яхши.






