Бугун, 23 май куни Тошкент вилояти Тошкент тумани Келес шаҳарчасида янги қурилаётган бинода ёнғин содир бўлди. Бу ҳақда Фавқулодда вазиятлар вазирлиги хабар берди.
Маълум қилинишича, соат 13:39 да Олмазор кўчасида жойлашган қурилиш объектида ёнғин чиққани ҳақида Тошкент вилояти ФВББга хабар келиб тушган.
Хабарга асосан, соат 13:45 да ҳодиса жойига 2 та қутқарув бўлинмаси етиб борган. Ёнғин 13:48 да ўраб олинган ва 13:54 да тўлиқ бартараф этилган.
Ёнғин оқибатида бинoнинг ертўла қисмида тахминан 40 квадрат метр майдонда қурилиш чиқиндилари ёниб зарарланган.
Ҳозирда ёнғиннинг келиб чиқиш сабаби ҳамда етказилган моддий зарар миқдори аниқланмоқда.
