12.02.2014 10:10
3525
Жазоирдаги авиаҳалокат оқибатида 77 киши ҳалок бўлди
Бу ҳақда Россия 24 телеканали хабар бермоқда. Самолёт бортида 74 йўловчи ва 4 экипаж аъзоси бўлган. Маълум бўлишича, фақатгина биргина ҳарбий омон қолган. У бош ва кўкрак қафасидан жиддий жароҳатланган.
Геркулес ўз манзилига бир неча километр қолганда етиб бора олмаган. Самолёт қулаши оқибатида портлаш юз берган. Таҳминларча, ҳалокатга ноқулай об-ҳаво шароити сабаб бўлган.
Синоптикларнинг хабар қилишича, самолёт учувчилари тоғли ҳудуддаги қор бўронига тайёр бўлишмаган.
Ҳозирда Жазоирда уч кунлик мотам эълон қилинди.