Франция Исроил миллий хавфсизлик вазири Итамар Бен-Гвирга мамлакат ҳудудига киришни тақиқлади. Бу қарор унинг “Global Sumud Flotilla” фаолларига нисбатан қилган масхараомуз ҳаракатлари ортидан қабул қилинган. Бў ҳақда Zamon.uz хабар берди.
Франция ташқи ишлар вазири Жан-Ноэл Барронинг билдиришича, Бен-Гвир Франция ва Европа фуқароларига нисбатан “қабиҳ муносабат” намоён қилган. Шу сабабли унга Францияга кириш тақиқланган.
Аввалроқ Исроил вазири ижтимоий тармоқларда Ашдод портида қўлга олинган фаоллар устидан кулаётган видеосини эълон қилган эди. Видеода қўллари кишанланган ва кўзлари боғланган фаоллар акс этган.
Ҳодисадан сўнг Франция, Италия, Испания, Канада ва Нидерландия Исроил элчиларини чақириб, воқеани қоралади. Франция Европа Иттифоқини ҳам Бен-Гвирга қарши санкциялар жорий этишга чақирган.
