15.02.2014 12:25
“Бунёдкор” испаниялик футболчи билан шартнома тузди
Ушбу ярим ҳимоячи 2001-2007 йиллар оралиғида Каталониянинг “Барселона” футбол мактабида таҳсил олган. Профессионал фаолиятини Бельгиянинг “Мускрон” жамоасида бошлаган. Кейинчалик Испаниянинг “Севилья” ва “Бенидорм”, Кипрнинг “Анортосис”, Грузиянинг “Динамо” Тбилиси ва Белоруссиянинг “Динамо” Минск жамоаларида фаолият олиб борган. Шунингдек, Испания U-16 ва U-19 терма жамоаларида ҳам бир неча учрашувларда иштирок этган.
Карлес Кото асосан ўнг қанот ярим ҳимоясида тўп тепади. Шунингдек, марказий ярим ҳимоячи сифатида плеймекерлик қобилиятига ҳам эга.
Эслатиб ўтамиз, “Бунёдкор”нинг хорижлик легионерлар лимити тўлди. Булар: ҳимоячи Сергей Симоненко, ярим ҳимоячи Карлес Кото ва ҳужумчи Олександр Пишур. Ҳозирча осиёлик легионер лимити бўш турибди.
