“Манчестер Сити”нинг ўзбекистонлик ҳимоячиси Абдуқодир Ҳусанов Англия Премьер лигасининг 38-туридан ўрин олган “Астон Вилла”га қарши баҳс учун қайдномага киритилмади.
Маълум қилинишича, жамоа бош мураббийи Pep Guardiola ушбу учрашувда бир қатор асосий футболчиларга дам беришга қарор қилган. Шу сабабли дарвозабон Жанлуижи Доннарумма, ҳимоячилар Абдуқодир Ҳусанов ва Марк Гехи, ярим ҳимоячи Родри ҳамда ҳужумчи Эрлинг Ҳоланд баҳсни ўтказиб юборади.
Шунингдек, учрашувда мавсум якунида клубни тарк этиши айтилган Жон Стоунс ва Бернарду Силва, шу билан бирга, жароҳатдан тикланган Рубен Диаш, Натан Аке ҳамда кам ўйин амалиётига эга футболчилар майдонга тушиши кутилмоқда.
Маълумот учун, “Манчестер Сити” учун мазкур ўйин турнир жадвали нуқтаи назаридан аҳамиятли ҳисобланмайди. Шу билан бирга, баҳс Пеп Гвардиоланинг клубдаги сўнгги учрашуви бўлиши айтилмоқда.
