Унга кўра, Ўзбекистон миллий терма жамоасининг чемпионликни қўлга киритиш эҳтимоли 0,07 фоиз деб кўрсатилган.
Прогнозларга кўра, мусобақа фаворити сифатида Испания терма жамоаси қайд этилган. Луис де ла Фуэнте бошчилигидаги жамоанинг чемпион бўлиш имконияти 15,43 фоизга баҳоланган.
Рейтингда Франция терма жамоаси 12,54 фоиз билан иккинчи, Англия эса 10,88 фоиз билан учинчи ўринни эгаллаган.
Ўзбекистон Осиё мамлакатлари орасида бешинчи натижани қайд этган. Қитъа жамоалари ичида Япония (1,47 фоиз), Жанубий Корея (0,37 фоиз), Эрон (0,24 фоиз) ва Саудия Арабистони (0,07 фоиз) юқорироқ баҳоланган.
Маълумот учун, Ўзбекистон миллий терма жамоаси 26 май куни АҚШга йўл олади. Жамоа у ерда ўқув-машғулот йиғини ўтказади ҳамда 1 июнь куни Канада, 8 июнь куни эса Нидерландияга қарши ўртоқлик учрашувларида майдонга тушади.
